Sonraí an Chláir Comhardaithe (sócmhainní agus dliteanais) do chorparáidí árachais atá lonnaithe in Éirinn (CCE 2010 earnáil S128).

Cuimsíonn S128 corparáidí airgeadais a bhíonn ag gabháil go príomha d’idirghabhálacha airgeadais mar thoradh ar chomhroinnt rioscaí go mór mór i bhfoirm árachas díreach nó i bhfoirm athárachais.

In Éirinn, chun críocha an staidrimh seo, déantar earnáil na gcorparáidí árachais a bhfuil a gceanncheathrú in Éirinn (cur chuige baile) a choigeartú chun brainsí de chorparáidí árachais Éireannacha atá ag feidhmiú sa Limistéar Eorpach Eacnamaíoch (LEE) a eisiaimh agus brainsí de chorparáidí árachais LEE atá ag feidhmiú in Éirinn a chur san áireamh (cur chuige óstach). Tá brainsí tríú tíre agus gníomhaíochtaí FPS na gcorparáidí árachais Éireannacha san áireamh i gcónaí.

Ní áiríonn S128 eintitis ciste pinsean ach féadfaidh sé árachas a sholáthar d’earnáil an chiste pinsean nó teidlíochtaí pinsean a sholáthar go díreach d’earnáil na dteaghlach (e.g. Piléar 3).

Tá an tacar sonraí seo á chur ar fáil faoi Rialachán BCE/2014/50. Leanann na rialacha cuntasaíochta Treoir 2009/138/CE (luacháil Shócmhainneacht II) agus go ginearálta is luacháil margaidh iad (seachas nuair a aithnítear iad mar luach ainmniúil). Soláthraíonn Iarscríbhinní I agus II de BCE/2014/50 tuilleadh faisnéise maidir leis na sonraí.