Sonraí faoi idirbhearta arna ndéanamh le cárta creidmheasa nó cárta dochair ag teaghlaigh a bhfuil cónaí orthu in Éirinn atá san ábhar staidrimh míosúil maidir le híocaíochtaí cárta. Áirítear sna sonraí, luach agus líon míosúil na n-idirbheart arna ndéanamh ag teaghlaigh na hÉireann le cártaí creidmheasa agus cártaí dochair. Is ó lucht eisiúna na gcártaí creidmheasa agus na gcártaí dochair a chruinnítear na sonraí agus go háirithe ó ghníomhairí tuairisceoireachta a bhfuil cónaí orthu in Éirinn (brainsí atá bunaithe thar lear san áireamh). Déantar na sonraí carntha a bhriseadh síos níos mine i ndáil le caiteachas cianda agus éigianda le cártaí; caiteachas éadadhaill le cárta agus caiteachas cárta trí sparán fón póca; caiteachas cártaí de réir earnálacha; caiteachas cártaí intíre agus thar lear; caiteachas cártaí de réir réigiúin in Éirinn; agus aistarraingt airgid. Tugtar briseadh síos freisin maidir le líon na gcártaí creidmheasa agus na gcártaí dochair arna n-eisiúint le daoine a bhfuil cónaí orthu in Éirinn. Scóip: Cártaí Pearsanta amháin a thagann faoi scáth na tuairisceoireachta, ní thagann cártaí gnólachta san áireamh ná cártaí arna n-eisiúint le daoine nach bhfuil cónaí orthu in Éirinn. Sa nasc chuig an Leathanach Lamaire, tá treoracha tuairisceoireachta ina bhfuil sonraí breise faoin tábla agus faoi theidil na gcolún úsáidtear sa bhailiúchán sonraí seo.