Clár Comhardaithe Cistí Pinsean

Sonraí maidir le cláir chomhardaithe (sócmhainní agus dliteanais) cistí pinsean atá lonnaithe in Éirinn (CCE 2010 earnáil S129).

Cuimsíonn S129 corparáidí airgeadais a bhíonn ag gabháil go príomha d’idirghabháil airgeadais mar thoradh ar rioscaí sóisialta a chomhthiomsú agus ioncam a chur ar fáil le linn scoir.

In Éirinn is ionann ciste pinsean agus scéim pinsean ceirde uathrialaitheach arna bunú faoi iontaobhas. Ní áiríonn S129 cistí slándála sóisialta, cistí pinsean atá san áireamh in earnáil an rialtais ghinearálta (S13) nó cistí pinsean neamhuathrialaitheacha.

Ní áiríonn S129 eintitis chorpraithe árachais (S128). Féadfaidh corparáidí árachais árachas a sholáthar d’earnáil na gcistí pinsean nó féadfaidh siad teidlíochtaí pinsin a sholáthar go díreach d’earnáil na dteaghlach (S14) (e.g. Piléar 3).

Cuirtear an tacar sonraí seo ar fáil faoi rialachán BCE/2018/2. An cuntas a thugtar i leith sócmhainní agus dliteanais reatha, is ionann é go ginearálta agus luacháil ghinearálta margaidh (seachas nuair a aithnítear iad mar luach ainmniúil). Tá cúlchistí teicniúla luacháilte ar bhonn caighdeán cuntasaíochta. Tuairiscítear cúlchistí teicniúla le sochar sainithe agus glanfhiúchas ar bhonn bliantúil (ag deireadh na bliana), déantar meastachán ar luacháil do na ráithí eile agus bíonn siad faoi réir ag leasú ar na sonraí bliantúla is deireanaí a bheith faighte. Soláthraíonn Iarscríbhinní I agus II de BCE/2018/2 tuilleadh faisnéise maidir leis na sonraí.